PANELI: ROMENGO PREZENTIPE ANO FILMYA

Data: 21.10.2017
Vahti: 18:30 – 20:00
Than: Lounge in Moviemento, Kottbusser Damm 22, 10967 Berlin
Pe anglikani qhib
Bizo pokipe

 

Ko palune bershe kerdile buderi filmya vash o Roma – buderi olendar theripea res vash senzibilizacia thay edukacia. Thay palem dikha o som imazhya e manushengo kola rodena pe droma, mekhle qhavore, daykhver muzikanti ose laqhi qhay, koya khelela koya si sikavdi ani piktura. Numay hari filmya sikavena diso yaver. Sar ovela akava? Thay kobar si shayutne o filmya vash o Roma palo sah?

 

MODERATION

Gaby Babić
biyasali ko bersh 1976 ano Frankfurt am Main, studiringya teatro, filmi thay medienge studie, Germanyuni literature thay politikuni skencia. Oj kergya buti ko Goethe-Institut Sarajevo thay sar rodlaripaski asistenta ko Universiteti Konstanz. E bershestar 2008 sar tromali godorni vash filmya thay kulturako menajeri vash buderi filmeske festivalya thay kulurake institucie. E bershestar 2010 ji ko agor e septembresko 2017, phiravgya o goEast – Festival e Centraluna thay Ratyoroguna Evropake Filmesko, Wiesbaden.

 

 

EXPERTS

Damian Le Bas
hramarno, poeti thay filmesko producenti. Studirangya teologia ko Oksfordesko Universiteti thay shtar bersh kergya buti sar redaktori vash Travellers’ Times. Ko oleske filmya ov sile pasia pe promocia thay artistikuno vastipe e Romana qhibyako. Ov vijaingya e poqin Royal Society of Literature Jerwood vash Na-Fiktivuni (dokumentaruni) literature ko bersh 2016. Oleski pustik, THE STOPPING PLACES, ka publikingyol ko bersh 2018.

 

Andrea Pócsik Ph.D.
Uqi lektora ko Pázmány Péter Katolikuno Universiteti. Olako sheruno rodlaripasko umal si filmi, kulturake thay Romane studie sar vi mediaki arheologia. Olako paluno rodlaripe vash romengo reprezentipe ano filmi thay medie publikisalo ani pustik khardi: NAKHAVIPE – E (AN)ARCHEOLOGIAKO E ROMANE IMAZHESKE KERIPASKO. Olake akademikune aktivitetya si dedikime vash o puqipya e kovlaripasko e angazhime bursengo thay vazdipe e kulturake rezistenciako, keripe e neve uqe skoluipaske metodengo vash filmesko sikavipe, medienge thay kulturake studie. Ko bersh 2011 temelingya e Roma Visual Lab, thay kergya buti sar filmeski godorni ko buderi filmeske ovipya thay sar akademikuno eksperti ano RomArchive.

 

Galya Stoyanova
Fotografa, dokumentarune filmeski rejisera, daviya thay jeno e Mashkarthemutne Romane Filmeska Komisiako. Agoringya shov masekuno treningo ani Fondacia Romedia ano Budapesti, kote kergya angluno dokumentari, THE PAGES OF MY BOOK. Kergya buti sar rejisera ani Fondacia Romedia thay aktualipea kerela dokumentaruno filmi vash LGBT manusha andar Romano komuniteti ani Bulgaria fokusipea pe juvlengi perspektiva.